<div dir="ltr">Имам една идеја што сакам да ја пробам од понеделник, па ме интересира мислењето на заедницата во врска со неа.<div><br></div><div>Последниве месеци подработував на интернет и почнувам да сфаќам кои се предностите и мааните на ваквото работење. Можеби главната маана е недостигањето на социјалниот момент што работењето во фирма го нуди.</div>
<div><br></div><div>Сакам почнувајќи од понеделник иднава недела да објавам дека секој работен ден во фиксен период (мислев нешто како 11:00 - 15:00) хаклабот ќе биде отворен за freelance-ери кои наместо да работат сами дома, би можеле да дојдат и да си правиме друштво.</div>
<div><br></div><div>Мислам дека оваа иницијатива е во духот на хаклабот: луѓето кои мислам да ги поканам се претежно програмери. Правилата кои важат за однесување во хаклабот - ќе важат и во тој период. Луѓето кои би доаѓале ќе имаат прилика, ако сакаат, да помогнат и да донираат благо, сокови, кафе или пари.</div>
<div><br></div><div>Одговорноста за хаклабот во овој период би ја презел јас (односно членот што ќе го отвори хаклабот) и ќе биде независна од редовните неделни дежурства. Периодот во кој би се собирале е време кога хаклабот е скоро секогаш празен.</div>
<div><br></div><div>Па, кажете мислење. :-)<br clear="all"><div><br></div>-- <br>Андреј Трајчевски / 078/426-717 / <a href="mailto:andrejtrajchevski@gmail.com" target="_blank">andrejtrajchevski@gmail.com</a>
</div></div>