[2s.mk-friends] Payday Party во КИКА // Сабота 17ч. // 15-ти ноември

[Andrej T.]

Во КИКА сѐ уште имаме проблем со редовно собирање на парите од членарините.
Голем дел од луѓето кои се сложија месечно да донираат пари за хаклаб, не
го прават тоа, барем не редовно. Јас сум еден од нив: немам направено траен
налог во банка, а на први не ми текнува да одам и да уплатам, или пак ме
мрзи. Глупаво е, ама мислам дека не сум единствен, а епилогот е дека луѓето
што сакаат и можат да плаќаат, не го прават тоа (редовно).

Затоа, во духот на хакирањето на човековата психологија, иднава сабота (за
два дена) во хаклаб ќе организираме журка. Поканети се сите, а особено
членовите кои, како мене, не дале подолго време пари, или пак сакаат да
донираат однапред некој денар. Ќе се напиеме сокче, ќе помуабетиме, ќе
собереме пари, а во понеделник Алекс ќе ги уплати на сметка.

Инаку за тие што не се во тек, парите (во најголем дел) ги користиме за
плаќање сметки и кирија. Според последниот update имаме околу 60к денари на
сметка, за уште ~3 месеци финансирање на КИКА.

Ако експериментот се покаже како успешен, може да го повторуваме на секои
три месеци or so.

Се гледаме во сабота во 17ч,
Андреј Т.

-- 
Андреј Трајчевски / 078/426-717 / andrejtrajchevski at gmail.com
-------------- next part --------------
An HTML attachment was scrubbed...
URL: <http://lists.softver.org.mk/pipermail/ossm-members/attachments/20141113/7108dc68/attachment.html>