[Ossm-members] Raboten pojadok so ministerot Ivanovski

Vanco Ordanoski vanco.ordanoski at gmail.com
Tue Feb 27 07:36:44 UTC 2007


Здраво до сите колеги на листава.
Ова е првпат како испраќам порака, па ако згрешам некое правило за
однесување, имајте разбирање.

Штотуку го завршивме работниот појадок со г-дин Ивановски, „министерот
за информатика" (ова во наводници, бидејќи е всушност министер без
портфељ, задолжен за информатика). Г-дин Ивановски беше гостин на
„Комората за информатички и комуникациски технологии на Македонија",
или накратко - ИКТ Комора.
Средбата беше многу успешна, бидејќи си кажавме многу работи, а многу
од нив се допираат и до темата на  слободен/отворен софтвер.
Но, самиот појадок и не е толку битен, бидејќи беше повеќе наменет за
членовите на бизнис комората, а кој сака, може да прочита повеќе на
http://www.sojuzkomori.org.mk (а ќе има и по медиумите, со оглед на
тоа колку многу ги имаше).

Битно е тоа што многу од нашите членки го поддржуваат движењето за
слободен/отворен софтвер, а исто така многу од нив и го употребуваат
во своите продукти - почнувајќи од мојата фирма - во која најголемиот
дел од нашите продукти се базирани на LAMP.
Исто така, би сакал да напоменам дека не ви се потребни никакви
посредници за да дознаете што се случува во Комората, што се договара
или преговара со Владата. Ние со задоволство ве покануваме да
контактирате со нас, и директно да бидете известени за се' што ве
интересира. Можеме да договориме и специјална средба за меѓусебно
запознавање и претставување. Кога велам „вие", мислам на „Слободен
софтвер Македонија", како и сите слични организации и групации, но и
сите поединци кои се заинтересирани.
Сигурен сум дека многу лесно ќе се разбереме бидејќи сме колеги во
иста бранша, а верувам дека сигурно има повеќе членови од оваа листа
кои работат во компании кои се членки на ИКТ комората. Уште повеќе,
јас лично сум голем пропонент на движењето за слободен софтвер и
подготвен сум за соработка.
Исто така, сигурен сум дека и ние, како Комора, можеме да помогнеме на
Слободен софтвер, како што и вие можете многу да направите за нас.
Можете и да прашате што ве интересира и на оваа листа, секако.

На крај, да се претставам: моето име е Ванчо Орданоски, и во моментов
сум претседател на ИКТ Комората. Примарната професија ми е
програмирање (всушност, во последно време проектирање на информативни
системи). Освен тоа, сопственик сум (еден од нив) на Инфопроект, ИТ
компанија од Скопје. (http://www.infoproject.biz)
Понекогаш сум и колумнист во македонските весници, претежно во
магазинот „Форум" (каде што сум и еден од сопствениците)
http://www.forum.com.mk . Пишувам - за што друго - за ИТ индустријата.

Срдечен поздрав и многу успех.




-- 
Vanco Ordanoski - CTO, Infoproject

http://www.infoproject.biz/
http://www.vanco.ordanoski.name/
http://instantekspert.blog.com.mk/

Address: 70/16 T.Gologanov Blvd, Skopje, Macedonia
Phone: +389 2 3090 233
--


More information about the Ossm-members mailing list