[2s.mk-friends] За тие што не читаат блог :)

[Дамјан Георгиевски]

http://spodeliznaenje.blogspot.com/2010/05/2-3.html

Голем број на настани во следниов период...

Најпрво за само 2 дена од денес, на 22 мај е Мозила Балкан 2010
(http://mozilla.mk/node/64)  На овој настан ќе се соберат луѓето од
балканот кои на некој начин се вклучени во проектите на Мозила. Тоа ќе
биде можност да се споделат искуства за проблемите и успесите од
регионов. Дополнително ќе имаме и неколку гости од Mozilla и Mozilla
Europe кои ќе зборат повеќе за тоа што/зошто/и како (да се приклучиш)
во проектите на Mozilla.

Потоа, веќе следниот викенд 29-30 мај е НСНД Белград. НСНД (Ništa se
neće dogoditi - http://www.nsnd.org/o-nista-se-nece-dogoditi/), еден
вид на анти-конференција, на кој ќе соберат „хакери“ од ex-Yu
просторот (најредовни се Хрватска, Србија и Македонија). Работејќи по
принципот на анти-конференција, нема официјална програма, нема
спонзори, ниту големи имиња. Се собираме и сами си го организираме
времето како нас ни одговара. Искуството покажува дека интересот се
протега од езотеричните теми за разни не-mainstream програмски јазици
(Haskell, Lisp, Erlang, Go), имплементирање скалабилни системи,
хардверски хакови, до најпрактични инсталирање GNU/Linux, Drupal или
Django, а и споделувањата искуства за хаклабовите во регионот и сл.

И конечно, големото финале (http://slobodensoftver.org.mk/rms/),
Richard Stallman - таткото на слободниот софтвер, култна личност во
хакерските кругови - на 3 јуни 2010 ќе гостува во Скопје и ќе одржи
предавање на темата „Copyright vs Community“ - во која ги споредува
режимот на законите за авторски права и нивниот развој наспорти
развојот на технологијата и општеството. Оваа тема е се поактуелна во
светот поради се поригорозни закони кои навлегуваат во слободата и
приватноста на луѓето, но и нормалното функционирање како заедница
(култура, општество).

Предавањето на Stallman ќе се одржи во Холидеј Ин од 18:00 до 21:00
часот на 3 јуни (четврток).

Во овој период, веројатно ќе има по уште некоја од редовните
активности во хаклабот (Убунту прва помош секој понеделник и Python/
Ruby во четвртоците), но најверојатно нема да се одржат две
СподелиЗнаење во саботите. 


-- 
дамјан ((( http://damjan.softver.org.mk/ )))

Scarlett Johansson: You always see the glass half-empty.
Woody Allen: No. I see the glass half-full... but of poison.