[2s.mk-friends] Активизам за слободен софтвер, каде е?

[Димитриј Мијоски]

Ќе поставам три тврдења,

1. Активизмот за слободен софтвер во Македонија последните 5 години опаѓа. Почитта кон него е изгубена.
2. Квалитетот на софтверската индустрија во еден регион е толку добар колку што е кванитетот на изработен слободен софтвер во тој регион.
3. За економијата на една држава, производството на:
    - слободен софтвер е најдобро;
    - на затворен софтвер кој останува во сопственост на креаторите е полошо;
    - а целосно давање на правата т.е. аутсорсинг е најлоша опција.
   За жал третава опција кај нас е многу популарна.

За првото, доволно е да се видат активностите надвор од работилницата (хаклабот) КИКА. Ќе пуштам две врски:
https://www.google.com/search?q=слободен+софтвер+OR+хаклаб+OR+mozilla+site:finki.ukim.mk
https://www.google.com/search?q=слободен+софтвер+OR+хаклаб+site:it.mk
https://www.google.com/search?q=слободен+софтвер+site:*.mk
Ако ги видиме датумите ќе видиме како тежнеат кон 2012, 2011 година и порано.

Второто е веќе емпириска претпоставка.

Третото тврдење... тоа е опасна економија. Хехе.

Поентата ми е дека освен користење треба да се стимулира и развој на слободен софтвер.

Сега, не знам тековните членови на оваа организација колку се заинтересирани за тоа. Тоа го правевте во минатото добро, можеби сега веќе ви е смачено. Моментално, фокусот на тековните членови е хаклабот, но тоа е прилично различна работа. Слободен софтвер е идеологија, хаклабот е физички простор односно работилница. Идеологија се шири на многу луѓе, работилница е за ограничен број луѓе, на пример, збира 10 луѓе во еден момент.

Значи, ако на старите членови им е смачено од активизмот, треба да се најдат нови активисти. Но, за да се најдат нови, треба старите да убедат нови луѓе за тие да поверуваат во слободен софтвер. И тука се наоѓаме во еден незгоден циклус.

Јас лично, сега за сега, имам желба да го ширам слободарството, можам да наоѓам некоја публика. Сепак, потребни се здружени напори.

Поздрав,
Димитриј.