[Ossm-members] Re:mozilla prevodot

Igor Popovski igormk at freemail.org.mk
Thu Nov 6 22:45:11 UTC 2003


Дамјан Георгиевски напиша:

> Сепак конкурентноста на „Слободниот Софтвер“ (ОССМ не е фирма за да биде 
> конкуренција) е голема дури и кога софтверот е на англиски јазик. Од 
> проста причина дека секој, секогаш може - ја има слободата - да направи 
> уште подобро локализирана верзија на софтверот. Тоа никогаш нема да го 
> имаш со proprietary софтверот.

Целосно се сложувам со ова...

Сепак има две работи на кои треба да се обрне внимание:

Прво, сигурно ќе се согласите дека слободниот софтвер многу полесно ќе 
„навлезе“ меѓу народот ако истиот е локализиран, т.е. на мајчиниот ни 
македонски јазик.

Второ, не секој е подготвен без никаков надомест за вложената работа да 
се нафати со таква обемна работа како што е локализација на софтвер. 
Всушност, таквите луѓе се многу малку; значи, едно големо БРАВО, па и 
благодарам за вас.

Веројатно најголемиот проблем е тоа што Владата на РМ (било која, не 
сакам да има политички призвук поракава) не е способна да одреди што е 
приоритетно, што најповолно за неа и во крајна инстанца што е најдобро 
за народот. Најдобро би било кога државата наместо да склучува договори 
со производители на комерцијален (proprietary) софтвер и да ги троши 
нашите пари (на даночните обврзници), истите тие пари (а веројатно и 
помалку) да ги вложи во преориентација кон open source софтвер и негово 
прилагодување за употреба во Македонија, т.е. локализирање.

Сигурен сум дека и ОССМ ќе се сложи со ова. Но, состојбата е таква и сè 
додека „не ѝ дојде памет“ на Владата, ОССМ треба да се потруди 
„нејзините производи“ да бидат што е можно „поконкурентни“ со 
евентуалната „конкуренција“ во ликот на M$. Така веројатно многу полесно 
ќе се „опамети“ Владата... А во крајна мера и само така open source 
софтверот ќе се прошири во поголема мера меѓу населението, па и државата 
кога-тогаш би била приморана да го прифати!

> (не знам дали го знаеш примерот со 
> преводот на MS IE)

На македонски? Не, кажи?




More information about the Ossm-members mailing list