[Ossm-members] roadmap* za oficijalen firefox 1.0 na makedonski jazik

[Новица Наков]

Еве да напишам нешто вака формално за тоа што мислам дека треба да се направи 
(или подобро како мислам) за да се појави македонскиот превод на Фајрфокс на 
ftp-то на mozilla.org.

Прво дискусијата за грешките во преводот: во овој момент имам намера да 
поправам само премногу очигледни грешки, работи кои едноставно не треба да 
бидат така и сл. Ова вклучува голтнати букви, споени зборови, (букви во 
загради) - т.н. access keys, преводи кои едноставно не ја изразуваат смислата 
на англиската реченица. А ќе ги игнорирам (т.е. ќе ги ставам во датотека 
to-do) забелешките од типот дали треба да биде енкриптирано, криптирано, 
кодирано или можеби шифрирано, и сличните на оваа (а вакви има сигурно повеќе 
од една). Ова значи дека на овие работи ќе им се обрне внимание подоцна, 
бидејќи сметам дека сега приоритет е да се направи официјална верзија на ФФ 
на македонски јазик.

Второ, потребните преводи за install-ерот: знаете дека има уште две датотеки 
кои треба да се преведат. Сега би било добро да се пријавите ако сакате да 
помогнете.

 wc install.it-unix
 90     361    3289 install.it-unix

 wc install.it-win
 137     563    5567 install.it-win

Значи 90 т.е. 137 линии.


Трето: македонски обележувачи и сервиси за пребарување. Ова најверојатно 
Дамјан ќе го среди.

Четврто: cvs пристап на mozilla.org. И за ова се надевам на Дамјан.

Петто: мала страничка за сите овие работи која ќе се појави на 
mozilla.slobodensoftver.org.mk или mozilla.softver.org.mk. Мислам само 
една-две html страни каде ќе ги има банерчињава што се прават и некои основни 
информации за работата која е завршена.

Шесто: функционалноста на xpi-то. Ова го сметам за многу важно прашање. 
Стојмир (на Убунту мислам) се пожали дека мора постојано да ја пишува онаа 
командата -UILocale mk-MK -contentLocale MK за да го стартува ФФ на 
македонски. Јас сум немал такви проблеми на мојот Слеквер, т.е. еднаш 
стартувам така и оттогаш е на македонски. Но овој проблем ми се јави и на 
еден WinXP SP2. Но на Слекверов пак -ProfileManager ми дава англиски јазик, 
што исто така може да е дел од проблемот. Значи треба да се испита дали ова е 
проблем само на нашето xpi, или пак проблем на оперативните системи. Кој може 
нека истестира како стојат работите со xpi-ја од други јазици.

Седмо: откако ќе излезе ФФ на серверите на mozilla.org мојата идеја е оваа 
вест да се испрати до сите оние веб страни кои ќе се најдат во обележувачите 
по default, со надеж дека тие веб страни ќе излезат во пресрет и ќе објават 
некое од банерчињата или некаква вест. Други идеи по ова прашање (само по 
реални од онаа на Уфо) се добредојдени.

Осмо: ако заборавив нешто ќе допишам.



* Како би бил преводот на roadmap? :)

-- 
Новица

"All that is necessary for the triumph of evil
is that good men do nothing." - Edmund Burke