[Ossm-members] Преводи на компјутерски термини беше: Logical Volume Manager (prevod?)

[Nikola Vanevski]

Игор Поповски wrote:
 > Новица Наков напиша:
 >
 >> Што ако добиеш порака од типот: бла бла бла ... ссх ... бла бла. Не ми
 >> иде некако.
 >
 >
 > Зошто? Работа на навика е...
 >
 >
 >> Нема нешто во нашиот правопис за тоа дека некои зборови е океј да
 >> останат на латиница и во оригинал?
 >
 >
 > Епа нема ;)
 >
 > Како што напишав, писмо во македонскиот јазик е *само* кириличното.
 > Вака би се давала предност само на одредено писмо, т.е. јазик. Јасно ми
 > е дека англискиот е своевиден интернационален јазик на денешницата, но
 > сепак, сега за сега официјално нема никаква предност во однос на другите
 > јазици. Ако би се дозволила употреба на латиничното писмо, зошно не и на
 > арапското, хебрејското, јапонското... Замисли ситуација: кучешки џигер
 > во сос од мувини ларви со мед се вика 情 а се чита „хју-џау“. Тој џигер
 > како таков е општо-познат во Кина со нејзините 1 и кусур милијарда
 > жители. Дали ти кога би пишувал рецепт во Македонија за ориз на
 > мандариншки начин гарниран со хју-џау ќе пишеш „ориз со 情“ или „ориз со
 > хју-џау“?

Цела оваа работа некако се истегна. Јас имам еден предлог како да го
дефинираме пристапот :
  - Во текстовите (и говорот, препорачливо, макар да мислам дека е
неизводливо) да користиме преведени изрази (нпр. прегледувач наместо
браузер, печатач наместо принтер итн) и да постои јавно пристапна база
на вакви термини
  - Кратенките за протоколи, подолги термини (нпр. ХДСЛ, ХТТП, ИСДН...)
да ги пишуваме на кирилица
  - Истите кратенки да ги пишуваме на латиница само во неопходен контекст
како на пример во интернет адреси („посетете го http://www.kde.org и
таму бла бла“) или кога се илустрира код со коментари (како
printf("Hello World!\n") и слично), каде што употребата на кирилица би
била не само неумесна туку и смешна.

Пропуштив нешто ?

Нино