[Ossm-members] ( слободен ) аудио софтвер

[Bozidar Proevski]

On Wednesday 20 June 2007 15:58:19 Новица Наков wrote:
> ама некако не ми одговоривте на прашањето (или може не го поставив добро):
>
> so, јас сум музичар свирам гитара и тарабука. сакам да правам музика на
> компјутер. каков се софтвер ми е потребен и како тој поединечно се вика.

>
> ако ми кажете Rosegarden и да му ја видам страницата пак нема да знам што
> можам да правам со тоа како некој што е скроз неупатен во дигитална музика.

Гитарата и тарабуката не се дигитална музика...

Тоа „сакам да правам музика на компјутер“ е широк поим. Дали само снимање на 
гитарата, гитара + тарабука, наснимување... Прв проблем ако имаш повеќе од 
еден инструмент е хардверот, т.е. музичката картичка. Затоа што обичните 
картички со само еден Mic/Line влез нема да завршат работа. Па ќе треба да 
купуваш некоја мини миксета или картичка со повеќе влезови. Па потоа е 
прашање колку квалитетна снимка сакаш, па како во исто време да снимаш повеќе 
инструменти со повеќе микрофони, па квалитетот на микрофоните, па ќе ти треба 
една или повеќе „глуви простории“... Со други зборови мини студио.

За софтверот, Audacity моментално нуди повеќеканално (multitrack) снимање плус 
разни LADSPA-приклучоци. Така што тоа би можело да заврши основна работа. За 
професионален софтвер, Ardour (кој спаѓа во класата на дигитални 
аудиостаници, DAW - Digital Audio Workstation). Може и Rosegarden4, ама тој е 
малку поспор и на времето беше повеќе MIDI-ориентиран. Сите овие работат со 
jack-аудиосерверот кој е моментално дефакто стандард за аудиорутирање.

Ако сакаш и дигитална синтеза на звук, има и за тоа програми. Моментално ми 
текнува на LMMS, кој има амбиција да биде клон на FL. Некои го спомнаа и 
Hydrogen.

И на крајот, можеш да комбинираш. Подлогата ја синтетизираш во некој софтвер 
како LMMS, ја префрлаш во Audacity и над неа наснимуваш мелодија со гитарата 
и ритам со тарабуката :) ...

Ако некој се занимава само со музика, подобро е да си стави дистрибуција која 
е аудио ориентирана. Подолу во референците има линкови.

ТОлку ми текнува засега.

Поздрав Боби


Референци:
http://linux-sound.org/
http://www.linuxaudio.org/music
http://lau.linuxaudio.org/

http://gnulinuxcentar.org/Audio_Tools_Scan.pdf

http://ardour.org/
http://www.rosegardenmusic.com/
http://lmms.sourceforge.net/


http://www.demudi.org/ (сум работел нешто малку на ова, го препорачувам)
http://www.64studio.com/
http://ubuntustudio.org/
http://ccrma.stanford.edu/planetccrma/software/
http://www.dynebolic.org/
http://www.ferventsoftware.com/ (се плаќа)

http://lulu.esm.rochester.edu/kevine/turnkey/home.html (застарено) 
http://rpm.nyvalls.se/ (пакети за Мандрива)