[Ossm-members] Неслободен софтвер во дистрибуции

[Aleksandar Balalovski]

Вчера размислував и дискутирав со некои типци таму на #archlinux за 
неслободниот софтвер кој е вклучен во дистрибуциите денес. Тоа дојде како 
резултат на тоа што на мојот систем го забележав acroread инсталиран без мое 
одобрение и знаење. Archlinux на почетокот на инсталацијата те прашува што да 
инсталира, пр. чекираш и Office, после тоа вика "Should all packages be 
installed", на што многумина најчесто ќе се сложат. Пошто јас сум/бев 
Arch-n00b, се сложив и јас. Знам дека ова звучи зилотски ама сметам дека тоа 
не е баш кул потег од страна на развивачите на Arch. Еден од развивачите рече 
дека веќе е пријавен баг и дека се работи на решавање на ваквата ситуација. 
Оваа нишка не е за да тролам/е врз Arch но сето тоа ме наведе да размислам, 
дали активистите за слободен софтвер треба воопшто да користат неслободен 
софтвер? Дали со тоа што јас ќе користам fglrx (а не користам) го прекршувам 
мојот збор кога велам дека не треба да се користи неслободен софтвер и дека 
тој е лош? Тоа денес ни Ubuntu не го прави, можеби поради Debian-овиот 
пристап (кој вели дека се вклучено во системот треба да е слободно со право 
на избор на корисникот отпосле (да вклучи „забранети“ репозитории)) или 
поради којзнае што, но она што мене најмногу ме изнервира е тоа што некои од 
корисниците и развивачите на arch покажаа нефер однос кои доведоа до споредби 
од типот „Ова не е Дебиан и ние не сме Столман“ (тоа ти е исто како да кажеш 
„Македонија не е Албанија“ навредувајќи ја Албанија, според мене).

Па, што мислите Вие, мала нишка за дискусија, дали е етички да се користи 
неслободен софтвер во GNU/Linux дистрибуции? Дали со тоа си одмагаме самите 
себеси во нашето делување и дали со тоа газиме на тоа што го „проповедаме“? 

Патем, мора да споменам уште нешто, што е и главната причина зошто сум во 
двоумица. Archlinux претставува најбрзиот систем, велам систем, што сум го 
пробал и најбрзата и нај-customizable дистрибуција која едноставно прави 
платформа со која секој може да се радува. Но ако сето тоа е против моите 
идеолошки гледишта, и ако ставот на Stallman се смета за погрешен (што лично 
многу би ми сметало) нема да користам повеќе Arch. Засега, it stays. Сум го 
средил типтоп :) јес да се намачив 2 дена :о ама е кул!


-- 
Aleksandar Balalovski
http://blog.gemidjy.info
http://wiki.lugola.net - your future!
Coordinator of the Lugola (www.lugola.net)