[Ossm-members] Дебата , околу материјалите кои се пуштаат на сподели кино!

[Misa Popovik]

Мојот став е дека поентата на „Сподели кино“ е промоција на слободната 
култура. Слична таква промоција, но со други методи, се надевам дека набрзо 
ќе продолжи и на „Сподели знаење“ кое откако ќе купиме проектор - нема да има 
веќе објективни пречки за одржување.

Накратко... ќе кажам само некои црти:

1. Знам дека твојот став дека најмалиот заеднички именител на материјалите кои 
треба да се пуштаат е можноста тие да се споделат. Често тука се споменува 
пиратството и можноста за широка дистрибуција како акт на размена/споделување 
и сл. Неможам да спорам дека пиратирањето нема врска со споделувањето или пак 
дека „Сподели кино“ не треба да се грижи само за тоа - можноста материјалот 
да се сподели и како акт на копирање и како акт на учество во креирањето на 
плејлистата. Ако има поширока согласност тоа да е така, тогаш така нека биде.

2. Досега, како дополнување на тој минимален критериум (можност да се сподели 
нешто), во извесен процент заеднички именител беше „размена на знаењето“ и 
скоро се што се пушташе на „Сподели кино“ имаше некаква врска со тоа. Затоа, 
поголемиот дел од програмата беше пуштање на предавања каде TED беше главен 
рипозитори, но имаше и други видеа во тој контекст. Мојот став е дека ова не 
е дел од „Сподели кино“ кој треба да биде запоставен. Сите предавања имаа 
поширок спектар на важност и се однесуваа на поширока публика. Тоа може да се 
види ако се разлиста на блогот.

3. Во уште потесен круг на материјали беа видеа кои имаа заеднички именители и 
под 1 и 2 но беа и дела или лиценцирани со слободна лиценца или направени од 
некаква специфична заедница, како на пример машинимата за Second Life или 
Youtube's Chad Vader или Ask a Ninja.  И за ова множество на материјали 
мислам дека не треба да биде запоставено во некаква идна концепција.

Ете толку.

поздрав
Миша