[2s.mk-friends] Hacklab

[Новица Наков]

> Незнам на што точно мислиш под имање идеја за да направите проект за
> Хаклаб во Скопје? Градење, рентање или добивање слободен простор?

Откако дел од луѓето од 2с.мк видоа како фукнционираат заедниците во странство 
се роди идеја за хаклаб. Под хаклаб накратко се подразбира само-одржливо место 
со компјутери, интернет и простории за работилници и пиење кафе/сок. 

Ова вклучува обезбедување на простор, плаќање на кирија, режиски трошоци и 
слично, но и правење некаков ред за одржување на просторот, почнувајќи од 
чистење, па натаму.

> Дали некој знае простор во Скопје кој може да се изнајмува и која цена?
> Просторот треба да има барем некакво озвучување и проектор.

Постојат повеќе простори во Скопје што може да се изнајмуваат. Сепак, рентање 
на такви сали не е баш хаклаб, а и на крај зошто да се даваат пари на и така 
надуените цени?

> И дали постои можност за некакво заедничко место (Hacklab) на ФЕИТ на
> пример, кое што би можеле да го делат open source групиве? Ако има
> заинтересирани може да доставиме некое заеднично барање!?

ФЕИТ генерално е лоша опција. Распоредот на часови не им се секогаш фиксен. 
Може да се случи да се добие простро од 20 ч. па да испадне дека има 
засотаното предавање или пак испит. Исто така, има проблем со пристап до 
интернет. Па еден професор одредува кој кабел ќе ти го дадат, друг која соба, 
па дали кабелот стига до собата итн. 

Слободен софтвер Македонија до сега направи неколку обиди да добие некои 
средства од фондации за финансирање на еден простор кој би ја имал токму 
намента што ја пишуваш, но не добивме ниту еден од тие проекти. Како што 
стојат работите во Македонија, некако и малку се надевавме дека ќе добиеме.

Крајна опција е DIY. Ако се соберат доволно заинтересирани страни и ако се 
преземат обврски кои ќе се почитуваат, тогаш може да се надеваме дека ќе 
собереме пари помеѓу нас за кирија и трошоци на некое место, а со време и за 
други ресурси. Лично ми се допаѓа оваа опција, но проблем секако ќе биде 
воспоставуање на доверба меѓу страните, контрола на парите и плаќањето и сл.

-- 
Новица

http://wiki.lugola.net/Вечна_TO-DO_листа
http://wiki.lugola.net/Бонтон_за_ossm-members
http://wiki.lugola.net/Важни_настани_за_слободниот_софтвер_во_Република_Македонија
Важно: http://bugs.softver.org.mk/index.php?tasks=all&project=7 !