[2s.mk-friends] идеја за надградба на firefox-и на училишни компјутери

[DZvonko Nikolov]

Да, секако дека е без врска да се надгради firefox, а да се
остави edubuntu, openoffice и другите компоненти така како
што се, заглавени во 2007, без можност за било каква user
интервенција (дури ни промена на тој идиотскиот штрк на
десктопот). Плус, како што рече Стојан, да, удира во нерв
на многу места, а најмногу во нервот на наставниците кои
сега имаат уште еден куп модернизации, реформи, измени
на планови, оценувања такви и онакви, и што ли уште не.
А таа бирократијата над нив само прави проекти, бара да се
реализираат, а сето тоа воглавно за „фала многу“ и глупави
идеализирани приказни од типот „лошије данас за боље сутра“
кое никако да дојде. Треба и малку едукација на наставниците
за слободен софтвер и linux/ubuntu затоа што, од мое лично
видување, искуство и контакти со колегите, секој се снаоѓа
како знае и умее. Има наставници кои linux среќаваат многу
малку и администраторскиот дел им е малку слаб (ок, ова
беше премногу благо). Да бидам искрен, повеќето немаат
врска за тоа што зборам кога ќе почнам за слободен софтвер.
За linux/ubuntu уште помалку. Кориснички некако ќе се снајдат,
ама админ/root никако.
Се на се, ако може некоја обука за linux/ubuntu на root ниво
би било супер. Ако може заедницата да го склопи и спакува
како некој проект или нешто слично и да го понуди на МОН/МИО.
Бирократијата ќе најде форма, начин и пари да го протурка тоа,
заедницата ќе најде стручни лица кои ќе го спроведат тоа. За
наставниците ќе има обука, заедницата ќе ќари нови членови,
предавачите ќе ќарат некоја пара, министерствата ќе прикажат
активности и сите се среќни.
За компјутерите кои не работат, тука нема помош.
За да бидат како што треба, треба некој да се грижи за нив, да
биде одговорен и да ги одржува. Сега се на милост и немилост
на директори, ученици, наставници, хигиеничари, чувари и сите
кои се на некој начин поврзани со училиштата. Никој за ништо
не одговара, никој не е одговорен, а компјутерите пропаѓаат и
се расипуваат. За поправки или нема пари или нема желба или
и двете, вината се префрла од еден на друг, се делат наредби
и закани и тн. и се е по старо.

Поздрав
Ѕвонко

2010/12/21 Stojan Dimitrovski <s.dimitrovski at gmail.com>:
>> Сепак напомена како што спомна Алекс повеќе пати.. зошто воопшто ја водиме
>> оваа дискусија кога не сме сигурни дека ќе се надградуваат firefox-ите
>> вооптшо.
>
> Дискусијата ја водиме за тоа како би се надградиле. Сепак
> иницијативата е од овде, не од МОН или МИО. Идејата е супер и
> потегнува многу повеќе од едноставна надградба на Firefox, затоа и е
> битно да се измерат ризиците во сите правци.
>
> Честитки за компјутерите кои функционираат, но убеден сум дека
> процентот на компјутери кои не се во функција е многу поголем, па
> тргнувајќи од оваа претпоставка за мене е бесмислено да се врши
> надградба на Firefox. Всушност самата помисла за вршење на вакви
> големи технички зафати удира на нерв кај многу одговорни лица, особено
> администраторите, наставниците/професорите и бирократијата над нив.
>
> Затоа сметам дека доколку постојат вакви иницијативи, трудот да биде
> насочен кон унапредување на веќе постоечкиот систем (кој е слободен
> софтвер, а најверојатно ја ја тангира и НПСС) за негово поефикасно
> работење со што би се овозможило вакви битни надградби да
> функционираат.
>
> Поздрав,
> Стојан Димитровски
> _______________________________________________
> Ossm-members mailing list
> Ossm-members at lists.softver.org.mk
> http://lists.softver.org.mk/mailman/listinfo/ossm-members
>



-- 
-----------------------------------------------------------------------------------
Regards

DZvonko Nikolov

dzvonko at gmail.com
dzvonko at yahoo.com
-----------------------------------------------------------------------------------
The best things are simple,
but finding these simple things is not simple.

Simplicity carried to the extreme becomes elegance.
-----------------------------------------------------------------------------------