[2s.mk-friends] Состанок за КИКА - 14.01.12

[Arangel Angov]

2012/1/13 Arangel Angov <ufo at linux.net.mk>:
> Ове е утре со почеток од 12ч. Ќе пробаме да убациме и презентација на
> redmine - project management system (http://bugs.spodeli.org).
>
> Сите што се загрижени за иднината на хаклабот и неговото подобро
> функционирање можат да дојдат утре во КИКА и заедно да се договориме
> како може да ја направиме КИКА уште подобро место.

Забелешките од состанокот се тука:
http://wiki.spodeli.org/%D0%93%D0%BB%D0%B0%D0%B2%D0%BD%D0%B0_%D1%81%D1%82%D1%80%D0%B0%D0%BD%D0%B8%D1%86%D0%B0/%D0%A5%D0%B0%D0%BA%D0%BB%D0%B0%D0%B1/mom-01-14-12

Ќе се обидам да резимирам на кратко за оние што не беа.

- Финансии: се договоривме дека мора да се преброиме колку сме и колку
од луѓето што даваа досега пари ќе даваат и во иднина за да знаеме до
кога би можеле да рачунаме на тие пари за кирија + сметки. Јас ќе им
пишам мејл на сите што се пријавиле досега. Треба да го договориме
буџетот за 2012 (колку пари ни требаат) и да објавиме што сме добиле
како донација во 2011 и како ги трошиме парите бидејќи сакаме да
бидеме што е можно потранспарентни (исто и за што ни требаат пари). Ќе
правиме и некои памфлети со тоа што е досега сработено во хаклабот па
кога ќе ја имаме спремна содржината ќе ни треба помош од дизајнер за
да ги склопиме - може да се пријави ако сака да помогне било кој.

- Дежурства: ќе направиме да им стига мејл на сите дежурни за да не
забораваат дека се дежурни - одговорностите на дежурните се тука:
http://wiki.spodeli.org/%D0%A5%D0%B0%D0%BA%D0%BB%D0%B0%D0%B1/%D0%94%D0%B5%D0%B6%D1%83%D1%80%D1%81%D1%82%D0%B2%D0%B0
| Исто така разговараме за проширување на листата на дежурни, има луѓе
кои што доаѓаат во хаклаб а досега не биле дежурни никогаш, ако има
некој што сака да се пријави може да се пријави тука или да го додаде
своето име на викито. Така ќе ни олесни на сите, плус фер е да ја
распределиме одговорноста за функционирањето на хаклабот а не цело
време тоа да го прават едни исти луѓе.

- Цели: Би било супер коа би пишале сите кои се нивните цели за
постоењето на хаклабот, што претставува КИКА за нив и што мислат дека
може да се постигне со еден таков простор - после тоа ова би го
објавиле и на блог некаде а многу би ни помогнало и да видиме кои од
тие цели ни се заеднички и поинтензивно да се залагаме за нивно
остварување.

- Програма: тука има листа на луѓе и работи кои што се пријавиле дека
можат да ги презентираат:
http://wiki.spodeli.org/%D0%9F%D1%80%D0%B5%D0%B4%D0%BB%D0%BE%D0%B3_%D0%BF%D1%80%D0%BE%D0%B3%D1%80%D0%B0%D0%BC%D0%B0_%D0%B7%D0%B0_%D0%A1%D0%BF%D0%BE%D0%B4%D0%B5%D0%BB%D0%B8%D0%97%D0%BD%D0%B0%D0%B5%D1%9A%D0%B5
- може да се додаде кој сака, а листата треба да послужи за дежурниот
да викне луѓе кои што би презентирале нешто интересно во текот на
неделата.

- Се надеваме дека до март ќе имаме нов изглед на blog.spodeli.org.

Толку, ако имате било какви прашања коментари можете да ги пишете како
одговор на оваа порака за да ги имаме во предвид за наредниот состанок
кој што би можеле да го организираме за неколку месеци од сега.

Поздрав.

-- 
Арангел
xmpp/mail
ufo \o/ linux.net.mk
http://blog.spodeli.org