[2s.mk-friends] разните лица на хаклабот

[Damjan Georgievski]

Воопшто не ми се свиѓа тонот со кој се пишува на листава ... ни едно ни
две, од прва се улетува со клизачи. Бројте до 10 пред да пишете нешто.

Конкретно за хаклабот и договарање како ќе работи има повеќе модели/идеи:

1. „центар за странски јазици“ - курсеви, секој си има цена, термини,
   си има предавач кој доаѓа на време со спремни материјали.
   сериозен пристап

2. клубче - се собираат луѓе за да си тролаат и да побегнат од дома.
   плус се збори за интересни теми и се прават роботи за превласт врз
   светот.

3. јавен и отворен простор - автономна технолошка зона. предавања,
   презентации, проекции, и сл…

4. генератор на online содржини (streaming-и, podcast-и и сл).


Ми се чини дека секој си има различна замисла за тоа што е хаклаб и си
извлекува заклучоци врз база на тоа. Од друга страна па, имало и
повеќепати јавни повици за средба на која би се дебатирало баш за овие
прашања, и ретко кога дошле повеќе луѓе од вообичаените.


Јас лично мислам дека горните модели не се нужно спротиставени - во
светот има хаклаби кои функционираат на многу различни начини. Од друга
страна, доколку би решиле да правиме сѐ од горната листа, може да се
случи конфликт на интереси и пристап до ресурсите од хаклабот
(така-наречено *препоклопување* :).

Тоа е проблем (менаџирање со ресурсите - дали временски, просторни,
финансиски) кој веројатно ќе мора да го решиме - но решавањето на тој
проблем не не спречува да ги пробаме сите модели.

Во секој случај, секој модел си има мани и предности споредено со
другите и не треба слепо да ги одбиваме.


-- 
дамјан